موقع الشاعر عبد الرحيم منصور

[شجر الليمون .. دبلان على أرضه]

* صورة لعبد الرحيم مع صديق عمره بليغ حمدى * [فؤاد حداد ]	فؤاد حداد شاعر الشعراء يرثى عبد الرحيم منصور كتب الشاعر الكبير فؤاد حداد قصيدة رثائية لصديقه عبد الرحيم منصور فى ديوانه " كليم الشيخة ام الآه " [ ألاقى فين عبد الرحيم منصور ] أفضل أقف وادور الثانيه بتعدى فى حبل غريب الشوك من الميه قرش صاغ للرغيف أحلامى لعينى الجرس للإشاره التلات ألوان للمحطه الجايه اسمك شجر فى الريح لكلبش فى إيدى القمر للزينه الفجر للمصابيح قاعدين يبصوا لبعض كأنهم أعداء ما كانش قلبى شهد الليل مع الشهداء جبينى الاخضر سجد فى جبانات السجون القافيه ولدت منى فين البنات والبنون الكلام بيسيح يا شيخه يا ام الآه يا أم البنات ما تؤمرينى أكون مغنى كل البلد معاى عبد الرحيم معاى لما أعزى ، لسه ما قال ليش الموت محايد لما أبطل جرايد لما أكلم نفسى لما أصيف واشتى قبل الهدوم معاه لما أزوره أقرب إلى الأرض منى تحت الندى عصفوره شهقت زى العيل لما يقع ويقوم يافطه فى عمر مكرم بتتقلقل زى الشرف ما بيقتل والحق بيبهدل زى الصعيد لما اتوجد معاى لما اعتقد إن الزمن يعدل أو ابن آدم معاى لما تركته لما لقيته دلوقتى بس حننتبه لحركته لهدوءه يا مغربية عصر فى تيابه كبارى زرع بتتنبه لغيابه مرايه ملحمه من النيل البنايين شبهه وربطة المنديل _ وعقدة المنديل _ أنا عجوز جلده على إنسانى أحافظ عليه بظوافرى واسنانى أنا عجوز جلده على أحبابى أحافظ عليهم بظوافرى ونيابى نسوان ورجاله تشغى فى دمى يا ولدى يا حته من كبدى إيه اللى بيدوخك الشوك من الميه التذكره فى الرغيف وكل شئ انضحك عليه بيضحك على أحلامى باعت عينى آهين يا عبد الرحيم ما قلت لكش آهين أحلامى باعت عينى ولا عين بدال العين فكرنى إمتى وفين كان البساط الأحمدى بيطير أيام ويرجع زى الحمام على السطوح الأحمدى فى الإمام إيه اللى اشجع الضى ولا الظلام من قبل ما نجاوب وماتجاوبى يا شيخه يا ام الآه ورد البلد صاحبى غنوه فى درج الحياه ظلها فى الأرض زى الحلق فى الودان سلطان على قلبى وباب موارب بيروح وبيجى بيقول وبيخبى ورد البلد صاحبى على ريحته ميه وشوك أعيش واموت واحبى ما يبص ليش من فوق ويلف زى الطوق ويتنقل جنبى ويخش للتنين بالسيف وبالتهنين ويقول يا مصريين إمشوا على دربى ويا كلمتين تانيين يا الاستغمايه يا مفضفضه معاى يا سطر من واجبى يا بنت عم النور تعالى لما تزور عبد الرحيم منصور الشاعر الشعبى هو اللى مد وقال فى ميتم الموال هون عليك يا خال ورد البلد صاحبى أفضل أموت واحبى * * يا ليل ينوبك ثواب وصلنى للعتبه مشيت كأنى غريق الأرض للرقبه أتلقف الترمايات واسقط التكنولوجيا فى امتحان النايات لو تقبلونى صبى يا عرضحالجيه اكتب لكم مغربى حجاب وتزكيه وارقى الغلابه عشان ما يبطلوش غلبه * * حفظنى دور الأوله بتحلم والتانيه تترحم والتالته جايه تقولى مين الأم الضى ولا الظلام على الربابه والكلام توأم أبو زيد والادهم يا نعيمه حسن للتاجر الشاطر يبيع العسل ويشترى العلقم عبد الرحيم ما راحش من بالى الليل عتر فى الشمس قايمه لى على حيلها لا بتقعد ولا بتمشى والدمع ما بيسقطش من وشى ولا خد ميزان الخير على غشى ولا خداعى ولا عاتبنى وقال مافيش داعى والليل عتر فى الشمس بالصدفه القاهره فى ديل المعزيين يوم ما الحبايب يشبهوا المعازيم وعساكر البلديه والتنظيم بيشيلوا بالقفه عيونى وعيونك يا عبد الرحيم حفظنى دور الأوله بتحلم فؤاد حداد
[ منتدى عبد الرحيم منصور ]

[ موقع اشعار مصرية ]	[ الصفحة الرئيسية ]