|
يسلم ترابها الاسمرانى
يسلم شجرها الاخضرانى
تسلم لنا مصر الحبيبة
ملناش حبيبة غيرها تانى
لو عديت على ناس
يقولك مرحب مرحب يا انسان
لو عديت على ناس
فى قلوبهم طيبه وحب كبير وحنان
لو عديت على ناس
تفتحلك دارها وتاخدك بالاحضان
اعرفهم تعرف بلادى
تعرف انك فى بلادى
عيون بلادى
روح بلادى
ناس بلادى
لوعديت على نجم مدور
امله منور كل السما
لو عديت على بر مزهر
ابيض واخضر عالى هواه
لو عديت على ناي بينادى
بنغم هادى حلو نداه
اعرفهم تعرف بلادى
تعرف انك فى بلادى
نغم بلادى
نسيم بلادى
ناس بلادى
لو عديت على مصنع
داير ليل ونهار صاحى وسهران
لو عديت على ناس
بتشيل بدراع شابين وجبين عرقان
لو عديت على اهرام عالية
وتماثيل باقية بقالها زمان
اعرفهم تعرف بلادى
تعرف انك فى بلادى
امل بلادى
تاريخ بلادى
ناس بلادى
|
